Një shtetas 44-vjeçar, i cili ishte shpallur në kërkim nga shteti Italian ka rënë në prangat e Policisë së Tiranës, me qëllim ekstradimin drejt Italisë. Në pranga ka rënë Çlirim Marku, 44-vjeç banues në Tiraranë. Ai kërkohej nga policia italiane për veprën penale “Organizatë kriminale” dhe “Shfrytëzim Prostitucioni”.
Njoftimi i Policisë:
Shërbimet e Forcës së Posaçme të Operacioneve Speciale dhe Kërkimit në Drejtorinë Vendore të Policisë Tiranë, në vijim të punës për kapjen e shtetasve të shpallur në kërkim ndërkombëtar, kanë bërë kapjen dhe arrestimin e përkohshëm me qëllim ekstradimi drejt Italisë, të shtetasit:
– Çlirim Marku, 44 vjeç banues në Tiranë.
Pasi Gjykata e Italisë (Latinës), e ka dënuar me 4 vite e 6 muaj burg për veprën penale” Organizatë kriminale” dhe Shfrytëzim prostitucioni” parashikuar në nenet 81, 110 e 337 të Kodit Penal Italian.
