Policia ka arrestuar një 48-vjeçar nga Kosova në Pikën Kufitare të Morinës. Bëhet me dije se i arrestuari ishte shpallur në kërkim ndërkombëtar nga autoritetet e drejtësisë në Austri.
Sipas informacioneve, për B. S. organet e Drejtësisë NCB Viena, Austri, kanë lëshuar urdhër-arrest ndërkombëtar, për veprën penale “Vjedhja me dhunë”.
Ndërkohë, autoritetet shqiptare po bashkëpunojnë me ato austriake për ekstradimin e 48-vjeçarit. Materialet i kaluan Prokurorisë së Rrethit Gjyqësor Kukës, për veprime të mëtejshme./ Opinion.al
