Në një kohë kur tensionet mes Turqisë dhe Qipros janë rritur për shkak të mosmarrëveshjeve lidhur me hulumtimet për burimet natyrore të gazit, ministri turk i Energjisë, Fatih Donmez, bëri me dije se anijet turke po vazhdojnë operacionet në Mesdheun lindor, dhe një anije tjetër do t’u bashkohet këtë muaj.
Turqia ka dërguar dy anije shpuese, Fatih dhe Yavuz, si dhe një anije eksplorimi, për të operuar në ujërat jashtë ishullit të ndarë të Qipros, duke shkaktuar akuza nga Greqia se po dëmton sigurinë në rajon.
Operacionet e Turqisë në rajon kanë ngjallur një reagim nga aleatët e saj perëndimorë, përfshirë Bashkimin Evropian dhe Shtetet e Bashkuara.
Kujtojmë se Turqia kundërshton marrëveshjet që qeveria qipriote e njohur ndërkombëtarisht ka arritur me shtetet e tjera mesdhetare për zonat ekonomike detare, ndërsa
Dy vendet anëtare të BE-së, kanë pasur mosmarrëveshje për vite të tëra lidhur me pronësinë e burimeve të gazit, teksa Ankaraja thotë se turqit qipriotë kanë të drejtë për një pjesë të burimeve.
Qiproja turke njihet vetëm nga Turqia dhe është subjekt i sanksioneve ndërkombëtare./Opinion.al
