Pas ngërçit për dakordësimin e përfaqësuesve të Këshillit Politik, Reforma Zgjedhore po has vështirësi për votimin në Kuvend, pasi opozita parlamentare nuk është dakord të votojë pa ndryshimin e sistemit zgjedhor.
Mësohet se 29 deputetë të opozitës depozituan sot në Kuvend një draft për rishikimin e Kushtetutës, konkretisht të dy neneve të saj.
Ky lajm është bërë i ditur për mediat nga deputeti Myslym Myrrizi, i cili është shprehur se bëhet fjalë për nenin që flet për listat e hapura dhe për zonat zgjedhore.
Po ashtu, Murrizi tha se është kërkuar që ai vet të zëvendësojë Rudina Hajdrain në postin si bashkëkryetar në Komisionin për reformën zgjedhore.
“Jam sot këtu që të shpreh para jush që 29 deputetët të opozitës së parlamentit shqiptar, në mënyrë institucionale, propozojmë rishikim të Kushtetutës për nenin 68 për hapjen e listave dhe nenin 74 për zonat zgjedhore. Mirëpresim maxhorancën dhe faktorin politik shqiptar për të diskutuar këtë reformë zgjedhore. Kodi zgjedhor është njëra anë, që do i jepte mundësi shqiptarëve për lista të hapura. Drafti që sot depozituam në Kuvend, që dhe ia vumë në dispozicion atij, parashikon hapjen e listave, që të ndryshojnë ato dy nene. Nisma jonë buron nga ndryshimi i kushtetutës. Pragu elektoral, koalicionet parazgjedhore apo pas zgjedhore. Nuk është shkarkim (propozimi për zëvendësimin e Rudina Hajdarit). Ne kemi protokolluar një kërkesë, që të zëvendësohet bashkëkryetarja. Ju e keni qejf fjalën shkarkim, se jeni mësuar me largime, shkarkime. Kemi propozuar që në vend të Hajdarit, të jetë zoti Myslim Murrizi.”, -tha Murrizi./ Opinion.al
