Prej më shumë se dy orësh, aktivistët e Aleancës për Mbrojtjen e Teatrit mbajtën sot protestën e thirrur një ditë pas shembjes së godinës.
Të pranishëm në protestë ishin edhe përfaqësuesit e opozitës por siç tha edhe regjistroi Edmond Budina, ajo i ka dyert e hapura për këdo, madje edhe për socialistët.
Fjalimet u mbajtën vetëm nga aktivistë të Aleancës dhe anëtarë të shoqërisë civile. Kërkesat kryesore që ata nënvizuan i drejtoheshin drejtësisë, qeverisë, Bashkisë së Tiranës dhe qytetarëve.
Aleanca për Teatrin kërkoi nga SPAK nisjen e hetimit për shembjen e godinës pasi siç u tha edhe në protestë, ajo kishte nisur teksa brenda kishte ende artistë dhe kjo përbënte një tentativë vrasjeje.
Së dyti ata kërkuan ikjen e qeverisë. Koret “poshtë diktatura” dhe “Rama ik” u dëgjuan përgjatë gjithë tubimit ndërsa në fund regjisorit Edmond Budina bëri të ditur se protestat do të vijojnë deri në ikjen e qeverisë dhe kërkoi gjithashtu dorëheqjen e krytarit të Bashkisë së Tiranës, Erion Veliaj.
Aleanca kërkoi gjithashtu që qytetarët të ngrihen në mosbindje civile. Protesta për shembjen e teatit duhet të shërbejë si zgjim për qytetearët, theksuan ata.
Protesta e radhës u njoftua se do të mbahet të mërkurën në orën 17:30. /Opinion.al
