Ditën e sotme SPAK iu drejtua Kuvendit me një shkresë nëpërmjet të cilës kërkon autorizimin e Parlamentit për ashpërsimin e masave ndaj ish-kryeministrit Sali Berisha.
Ndaj këtij të fundit është caktuar masa e sigurisë detyrim paraqitje dhe ndalim për të dalë nga territori i Shqipërisë, por me ashpërsimin e masave drejtësia mund të vendos arrest me burg apo arrest shtëpie.
Për të shqyrtuar këtë kërkesë, Këshilli për Rregulloren, Mandatet dhe Imunitetin do të mblidhet më 18 dhjetor. Pas mbledhjes së Këshillit, do të jenë deputetët ata që do të votojnë në seancën parlamentare për t’i hapur rrugën e procedurave të SPAK ndaj Berishës.
Njoftimi i Kuvendit
Mbledhja e Këshillit për Rregulloren, Mandatet dhe Imunitetin për shqyrtimin e kërkesës së Prokurorisë së Posaçme Kundër Korrupsionit dhe Krimit të Organizuar për dhënien e autorizimit nga Kuvendi për arrestimin/heqjen e lirisë së deputetit Sali Berisha, nëpërmjet zëvendësimit të masës së sigurimit, do të zhvillohet në datën 18.12.2023, ora 12.00, në Kryesinë e Kuvendit. (Urdhër nr. 69, datë 12.12.2023, i Kryetares së Kuvendit, znj. Lindita Nikolla).
