Ylli i muzikës pop, i cili u filmua fshehurazi duke kërcyer në një mënyrë sensuale shumë afër kryeministres së Finlandës, ka folur pas thashethemeve se dyshja ishin në një lidhje.
Olavi Uusivirta, aktor dhe këngëtar 39-vjeçar, pohon se ai dhe Sanna Marin nuk janë në një lidhje dashurie me njëri-tjetrin.
“Ka pasur spekulime në publik për cilësinë e marrëdhënies mes meje dhe kryeministres Sanna Marin”, postoi Z. Uusivirta në Instagram.
“Me dorë në zemër mund të them ashtu siç është e vërteta: ne jemi miq dhe asgjë e papërshtatshme nuk ka ndodhur.”
Pamjet e publikuara të premten tregojnë se Uusivirta dhe zonja Sanna kërcejnë së bashku në orën 4 të mëngjesit në një klub nate të Helsinkit, i cili, sipas mediave të huaja, besohet se ndodhet afër parlamentit të vendit./Opinion.al
