Pavarësisht se nënkryetari i LSI-së, Luan Rama uroi socialistët për 26-vjetorin e themelimit të PS-së, kjo ngjalli debate mes tij dhe Elisa Spiropalit, sekretare për rininë.
STATUSI I SPIROPALIT
Po postoj këtë postim të Luanit që në emër të forcës së pa(pa)rë na uron ditëlindjen e partisë duke na sharë. Është vërtetë e pa(pa)rë kjo forcë që s’ka limit në paparësinë e saj dhe Luani e mishëron atë me të gjithë maçokërinë e tij, sa herë shfaqet për t’i vënë pikat mbi “i”
Sa thotë njeriu me këta, po mirë si ka mundësi, bum të habisin me një tjetër çudi dhe pa fjalë të lenë me të tyren pafytyrësi. Nuk e di si i bëhet vërtet me këta të pa(pa)rë, që edhe priftin edhe hoxhën i bëjnë me barrë, kur u preket një fije a gram lënda e parë. Po një gjë e di me siguri, që veç populli mund ta bëjë atë mrekulli, që forca e pa(pa)rë te shkojë ne shtëpi, po jo me jo, aman jo në qeveri.
Luanit s’kam ç’i them, thotë ç’i thonë, ata që janë helm, ku e kanë gjithë populli e di, dhashtë Zoti t’u japë mësimin e tij
Fill pasi Luan Rama uroi PS-në, madje edhe kritikoi Rilindjen, Spiropali bëri një status, ku i kundërvihej nënkryetarit të LSI-së, ndërsa shkruante se forca që ai përfaqëson bëjnë me barrë priftin dhe hoxhën. Kaq ka mjaftuar që Luan Rama të reagojë sërish.
MESAZHI I LUAN RAMËS
Elisa Spiropali ka reaguar ndaj meje pas një urimi që unë ju bëra si njëri prej themeluesve te PSSH-së, të gjithë themeluesve të Partisë Socialiste, atyre që 26 vjet më parë krijuan kështjellën e vlerave të solidaritetit dhe humanizmit. Por meqë zonja Spiropali tjetër gjë më shkruan kur komunikojmë miqësisht e tjetër gjë kur më shkruan “politikisht”, po publikoj vetëm statusin e saj, dhe jo çfarë më shkruan mua. Sepse nuk dua e nuk mund të abuzoj me privatësinë e komunikimit miqësor mes nesh…
