Policia e Durrësit ka arrestuar një 32-vjeçar, ndërsa vëllai i tij është shpallur në kërkim pasi të dy kanë kërcënuar me armë zjarri një person.
Mësohet se dy vëllezërit sapo kanë marrë vesh që shtetasi K. P., 20 vjeç, i cili ka qenë më herët fqinj i tyre, ishte kthyer në Shqipëri, për shkak të mosmarrëveshjeve të mëparshme për një përplasje automjetesh, e kanë pikasur në një servis, në afërsi të lokalit të tyre, 20-vjeçarin, dhe janë konfliktuar me të.
Njëri prej tyre, shtetasi i shpallur në kërkim, e ka kanosur me armë zjarri, duke qëlluar një herë me pistoletë, por falë ndërhyrjes në kohë të Policisë, u parandalua përshkallëzimi i mëtejshëm i konfliktit me armë.
Materialet procedurale i kaluan Prokurorisë, për veprime të mëtejshme pr veprat penale “Kanosja”, “Dëmtime të tjera me dashje”, “Përndjekja” , ”Prodhimi dhe mbajtja pa leje e armëve luftarakedhe e municionit” dhe “Prishja e qetësisë publike”.
