Policia e Shkodrës ka arrestuar dy gra pasi ato dyshohen se i kanë marrë 50 mijë lekë një qytetareje përmes kanosjes.
Policia njofton se në kuadër të operacionit “TRUMA” është bërë arrestimi në flagrancë i 28 vjeçares E.F, banuese në Velipojë dhe 46-vjeçares M.B, banuese në Shkodër.
“Kapja dhe arrestimi i tyre u bë pasi në lagjen “Vasil Shanto”, në vendin e quajtur “Truma”, në bashkëpunim me njëra-tjetrën, nëpërmjet kanosjes, i kanë marrë shumën 50 000 lekë një shtetaseje” thuhet në njoftimin e policisë.
Materialet iu referuan Prokurorisë pranë Gjykatës së Shkallës së Parë për Krimet e Rënda Tiranë, për veprën penale “Shtrëngimi me anë të kanosjes ose dhunës për dhënien e pasurisë” e kryer në bashkëpunim. /Opinion.al
