Një 32-vjeçar ka rënë në prangat e policisë pasi ka kanosur vëllain e tij me armë zjarri. Sipas policisë ngjarja ka ndodhur në zonën e Lanabregasit në Tiranë ku 32-vjeçari me inciale S.L ka kërcënuar me armë për motive të dobëta vëllain e tij 37-vjeçarin me iniciale Xh.L.
Policia arriti të ndalojë përshkallëzimin e situatës si dhe të sekuestrojë në cilësinë e provës materiale dy armë zjarri (kallashnikov e pushkë) dhe fishekë luftarak.
Materialet i kalojnë Prokurorisë së Rrethit Gjyqësor Tiranë, për veprime të mëtejshme, për veprat penale “Dhuna në familje” dhe “Armëmbajtja pa leje”, për të cilën parashikohet dënimi deri në 7 vjet burgim./Opinion.al/
