Autoriteteve iu është dashur rreth 5 orë negociata për të bindur 31-vjeçarin Elton Meta nga Fieri që të ulë armën, me të cilën kërcënonte se do vetëvritej. Ngjarja ka ndodhur në fshatin Zhupan, ndërsa në ndihmë të autoriteteve për të bindur të riun që të ulte armën ka shkuar edhe motra e 31-vjeçarit.
Mbrëmjen e së shtunës rreth orës 22:50 i riu ka shkuar në oborrin e banesës së vjehrrit të tij i armatosur dhe kërcënonte se do të vetëvritej.
Rreth orës 03:25 të ditës së sotme policia e Fierit bën me dije se ai është dorëzuar falë negociatave me të, ndërsa iu sekuestrua automatiku dhe një gëzhojë.
Ende janë të paqarta rrethanat që shtyn të 31-vjeçarin të merrte një vendim të tillë, ndërkohë pas dorëzimit ai është shoqëruar nga policia ku do të merret në pyetje për sqarimin e ngjarjes./ Opinion.al
