Policia e Vlorës ka dhënë informacion zyrtar lidhur me ngjarjen e ndodhur këtë të hënë në këtë qytet, ku një i ri kërcënoi se do të shpërthente me bombol gazi një dyqan.
Policia thotë se ai vuante nga probleme të shëndetit mendor dhe sillte probleme për banorët.
“Më datë 28.12.2020, rreth orës 12:50, shërbimet e Policisë Vlorë, pasi kanë marrë njoftimin se në lagjen “Lef Sallata”, Vlorë, një person i sëmure nga shëndeti mendor po sillte shqetësime për banorët, menjëherë kanë shkuar në vendngjarje dhe kanë konstatuar se ky shtetas ishte izoluar i vetëm, në një lokal, duke mbajtuar në dorë një palë gërshërë dhe më pas ka marrë një bombul gazi”, njofton policia.
Po ashtu policia bën me dije se 28-vjeçari nuk ka pranuar të dalë nga ambientet e lokalit edhe pas negociatave me policinë e Vlorës. Më pas ai është neutralizuar nga FNSH dhe është shoqëruar në Spitalin Psikiatrik.
“28-vjeçari dhe pas negociatave me shërbimet e Policisë Vlorë, nuk pranoi të dilte dhe ka kërcënuar se do të përdorte bombulën e gazit për të dëmtuar veten.
Në ndihmë të shërbimeve është afruar grupi i FNSH-ës të cilët falë ndërhyrjes profesionale dhe të shpejtë bën të mundur neutralizimin dhe shoqërimin e 28-vjeçarit.
Në përfundim të veprimeve shtetasi A. G., 28 vjeç, u shoqërua në i “Ali Mihali”, Vlorë për të marrë mjekimin e nevojshëm“, njofton policia./Opinion.al
