Një 44-vjeçar është arrestuar pasi kërcënoi me thikë punonjësin e një dyqani dhe vodhi disa pajisje elektronike në Durrës.
Mësohet se arrestimi u krye pak orë pas kryerjes së vjedhjes.
Në pranga ka rënë shtetasi S.D., 44 vjeç, banues në Durrës.
“Kanosi me mjet prerës (thikë), punonjësin e një dyqani dhe mori pajisje elektronike, Policia identifikon, kap dhe arreston pak orë pas vjedhjes, autorin e dyshuar.
Si rezultat i veprimeve të shpejta policore, të kryera nga Komisariati i Policisë Durrës, në bashkëpunim me Forcën e Posaçme Operacionale të DVP Durrës, në kuadër të operacionit policor të koduar “Fast”, u mundësua pak orë pas kryerjes së vjedhjes, lokalizimi, kapja dhe vënia në pranga e autorit të dyshuar të rastit, shtetasit S.D., 44 vjeç, banues në Durrës. Ky shtetas ka kanosur me mjet prerës (thikë), punonjësin e dyqanit, dhe ka marrë aty, pajisje elektronike”, njofton policia.
Materialet procedurale iu referuan Prokurorisë së Durrësit, për veprime të mëtejshme.
