Një 57-vjeçare nga Durrësi ka rënë në prangat e policisë, pasi akuzohet se ka kanosur me armë zjarri fqinjën e saj.
Policia njofton se ngjarja ka ndodhur dje në Hamallaj të Durrësit. Konflikti mes dy grave ka ndodhur për motive të dobta po ka rrezikuar të precipitojë në përdorim armësh. N. P, 57-vjeç, në konflikt e sipër ka kërcënuar me pushkë shtetasen A. K., 29 vjeçe, banuese në Tiranë.
Arma e zjarrit dhe 27 fishekë u gjetën nga policia pas kontrollit të ushtruar në një shtëpi të braktisur, disa metra larg banesës së shtetases N. P.
Materialet i kaluan Prokurorisë së Rrethit Gjyqësor Durrës, për veprat penale “Kanosja” dhe “Armëmbajtja pa leje”, për të cilën parashikohet dënimi me burgim deri në 7 vjet./Opinion.al
