Policia e Tiranës ka arrestuar një 39-vjeçar pasi ka kanosur me armë zjarri pronarin e një lokali në Babrru. I arrestuari është identifikuar si Sokol Tanushi, i cili në momentin e ngjarjes ishte nën efektin e alkoolit.
Ai është neutralizuar nga personat që kanë qenë në lokal që i kanë hequr armën e zjarrit nga dora. Policia thotë se pas ngjarjes, Artan Kërnaja, 47 vjeç, i ka marrë armën e zjarrit dhe është larguar nga vendngjarja. Menjëherë pas marrjes së njoftimit, Policia ka arrestuar Tanushin si dhe ka shpallur në kërkim 47-vjeçarin.
“Specialistët për Hetimin e Krimit në Komisariatin e Policisë Nr. 5 bënë arrestimin në flagrancë të shtetasit S. T., 39 vjeç, pasi në Babrru ka kanosur me armë zjarri pistoletë shtetasin P. Ll. Gjatë kontrollit për gjetjen e armës nga veprimet hetimore rezultoi se arma e zjarrit është marrë dhe fshehur nga shtetasi A. K., i pranishëm në vendngjarje, i cili është shpallur në kërkim dhe po punohet për kapjen e tij.”-njofton policia./ Opinion.al
