Arrestohet 48-vjeçari në Kurbin, pasi kërcënoi me armë punonjësit e një firme private që po merreshin me shtrimin e një rrugë.
Uniformat blu bëjnë me dije se shtetasi me iniciale A.D. 48-vjeç është vënë në pranga pasi ka kërcënuar me armë gjahu punonjësit e një firme private që po merreshin me shtrimin e një rrugë në fshat, duke pretenduar se territori ishte pronë e tij.
Në momentin e ndërhyrjes, policia i ka sekuestruar 48-vjeçarit, armën e gjahut “Shotgun” dhe municion luftarak.
“Shërbimet e Komisariatit të Policisë Kurbin, pas marrjes së njoftimit, rreth orës 12:00, se në fshatin Shpërdhet, një shtetas po kanoste me armë gjahu, disa punonjës të një firme private, të cilët po merreshin me shtrimin e rrugës së gurorëve në këtë fshat, menjëherë kanë organizuar punën dhe kanë mbërritur në vendngjarje, me qëllim parandalimin e një ngjarjeje të mundshme kriminale.
Si rezultat i ndërhyrjes së menjëhershme dhe i veprimeve të shpejta operacionale, është kapur në flagrancë dhe është shoqëruar në Komisariat, për kryerjen e veprimeve të mëtejshme procedurale, shtetasi A. D., 48 vjeç, banues në Mamurras.
Në momentin e ndërhyrjes, Policia i ka sekuestruar 48-vjeçarit, armën e gjahut “Shotgun” dhe municion luftarak”, tha policia.
Materialet procedurale i kaluan Prokurorisë pranë Gjykatës së Rrethit Gjyqësor Kurbin, për veprime të mëtejshme./Opinion.al
