Policia ka arrestuar një 40-vjeçar në Krujë pasi ditën e djeshme ka kërcënuar me armë zjarr një person dhe i ka vjedhur makinën.
Autoritete bëjnë me dije se në pranga ka rënë B. Ç., 40 vjeç, banues në fshatin Arrameras, Fushë Krujë, i dënuar më parë për veprën penale “Kanosja”.
Gjatë kontrollit të ushtruar në banesën e 40-vjeçarit, autoritetet kanë gjetur dhe sekuestruar mjetin tip “Opel” që iu vodh shtetasit V. B., 41 vjeç, si dhe kanë konstatuar se ky shtetas po ndërtonte një objekt në pronën e tij, pa lejen e organeve kompetente.
Materialet i kaluan Prokurorisë së Rrethit Gjyqësor Krujë, për veprat penale “Vjedhja me armë”, “Ndërtim i paligjshëm”, “Kanosja” dhe “Armëmbajtja pa leje”./ Opinion.al
