Aktualitet

Kërcënoi italianin me Kanun për vrasjen e djalit, tani kërkon dëmshpërblim


               Publikuar në : 10:44 - 11/02/19 |
el ida

Emisioni investigativ ‘Le Iene’ në Itali i është rikthyer historisë së vrasjes së shqiptarit 22 vjeçar, Gjergj Gjoni, në tetor të vitit 2015. I riu u qëllua për vdekje nga shtetasi italian Francesko Sicignano, ndërsa po tentonte të grabiste banesën e këtij të fundit në Vaprio D’Adda, provincë e Milanos.

Gjykata e Milanos shpalli të pafajshëm 65-vjeçarin italian në dhjetor të vitit 2017, për shkak se ishte vrasje e bërë në kushte vetëmbrojtjeje kundër një grabitësi.

Por rreth dy javë më parë i ati i shqiptarit bëri bujë në mediat italiane teksa kërcënoi Francesko Sicignanon se do e vriste bazuar në të drejtën që i jep Kanuni i Lekë Dukagjinit.

Në këto kushte stafi i “Le Iene” i ka kërkuar ndihmë pajtuesit të gjakut, Nikolla Shumani, që të bindë të atin e djalit të vrarë për të falur gjakun e të birit. Por tentativa rezultoi e pasuksesshme.

Prindërit e Gjergj Gjonit pranuan të ulen në bisedime me italianin që i vrau djalin e të bien dakord për një shumë të caktuar parash, si dëmshpërblim ndaj vrasjes por italiani, Francesko Sicignano e ka cilësuar absurde një kërkesë të tillë.

“Unë jetoj në një vend të lirë, nuk paguaj asnjë lek”,- tha ai gjatë bisedës telefonike me gazetarin.

Në këto kushte i ati i Gjergj Gjonit, i ofenduar nga përgjigjja e italianit, shprehet se tani ai i ka borxh, jo një por dy gjaqe./E.M

 

Pas