Një 43-vjeçar ka rënë në pranga në kuadër të operacionit policor të koduar “Stroke”. Mësohet se ai u arrestua pasi ka kërcënuar me armë zjarri fqinjin e tij.
Policia bën me dije se 43-vjeçari gjatë një konflikti për motive të dobëta, kanosi me armë zjarri fqinjin e tij, 42-vjeçarin me iniciale F. K., duke qëlluar me armë zjarri në oborrin e banesës së këtij të fundit në Allias të Tiranës.
Policia ka sekuestruar në cilësinë e provës materiale një armë zjarri kallashnikov dhe një sasi muncioni luftarak.
Materialet procedurale i kaluan Prokurorisë pranë Gjykatës së Shkallës së Parë Tiranë, për veprime të mëtejshme./Opinion.al
