Marjo Xhangolli është vënë në pranga ditën e sotme nga policia e Pogradecit, pasi ishte në kërkim për kanosjen dhe kërcënimin ndaj një 37-vjeçari.
Uniformat blu bëjnë me dije se kanë arrestuar shtetasin Mario Xhangolli, 30 vjeç , pasi në bashkëpunim me vëllezërit Syzo, kanë kërcënuan dhe i kanë përplassur makinën Eris Çekanit, duke ia dëmtuar me sende të forta.
Ndërkohë këta dy të fundit, shtetasit B. S. dhe S. S. (vëllezër) janë shpallur në kërkim nga policia.
“Specialistët për Hetimin e Krimeve të Komisariatit të Policisë Pogradec, në vijim të punës intensive për kapjen dhe vënien para përgjegjësisë ligjore, të shtetasve të shpallur në kërkim, falë bashkëpunimit me DVP Tiranë dhe shkëmbimit të informacioneve të siguruara nga inteligjenca informative, organizuan dhe finalizuan operacionin e koduar “Wanted”. Si rezultat i këtij operacioni u bë kapja dhe ndalimi i shtetasit në kërkim: M.Xh., 30 vjeç, banues në Pogradec.
Ky shtetas, në bashkëpunim me shtetasit B. S. dhe S. S. (vëllezër, të shpallur në kërkim), më datë 01.03.2023, kanë kanosur një 37-vjeçar, të cilit i dëmtuan edhe xhamat e automjetit. Gjithashtu më datë 18.04.2023, në aksin rrugor “Korçë-Pogradec”, pranë vendit të quajtur Qafë Plloçë, për motive të dobëta, përplasën qëllimisht, me automjetin e tyre, automjetin e një 39-vjeçari, të cilin e kanosën, i dëmtuan me sende të forta automjetin dhe më pas u larguan me shpejtësi, nga vendngjarja.
Polica po vijon punën për kapjen e 2 bashkëpunëtorëve, shtetasve B. S. dhe S. S., me qëllim vënien e tyre para përgjegjësisë penale”, tha policia.
Materialet procedurale i kaluan Prokurorisë pranë Gjykatës së Rrethit Gjyqësor Pogradec, për veprime të mëtejshme./Opinion.al
