Klubi i Skënderbeut ka reaguar pas deklaratave nga UEFA se inspektorët që po hetojnë mbi skudarën koraçare janë kërcënuar me jetë. “Duke marrë shkas nga lajmi i publikuar së fundmi në portalin e UEFA-s, Klubi i Futbollit ‘Skënderbeu’ mohon kategorikisht dyshimet dhe akuzat se persona të lidhur me klubin kanë kërcënuar me jetë inspektorët e organizatës europiane të futbollit”, tha Skënderbeu në një njoftim për media.
“Një veprim i tillë është totalisht jashtë natyrës së qetë, qytetare dhe ‘Fair-Play’ të klubit tonë dhe drejtuesve më të lartë të ekipit. Nëse ka pasur kërcënime atëherë KF Skënderbeu inkurajon organet përkatëse ti shkojnë deri në fund çështjes”, tha me tej skuadra korçare.
Ndërsa, përsa i përket shqetësimit të shfaqur nga UEFA në lidhje me publikimin e informacioneve dhe raporteve, Klubi i futbollit ‘Skënderbeu’ mohon të ketë shperndarë raportin duke njohur natyrën konfidenciale të tij.
“Sot, Inspektorët disiplinorë të UEFA-s që po punojnë mbi këtë çështje kanë marrë kërcënime anonime me vdekje, në dukje me qëllim trembjen e tyre dhe ndalimin e kryerjes së detyrës. Këto kërcënime nuk do t’ia arrijnë qëllimit dhe policia po ashtu është lajmëruar”, tha UEFA në uebsajtin e saj disa orë më parë.
