Persona të armatosur kanë kërcënuar familjarët e yllit të futbollit argjentinas, Lionnel Messi, duke qëlluar disa herë me armë zjarri në drejtim të një supermarketi në pronësi të vjehrrit të tij.
Agresorët që udhëtonin me një motor, qëlluan disa herë dhe më pas lanë një pusullë që i drejtohej sulmuesit të PSG. Ngjarja u regjistrua në Rosario në një dyqan të vendosur në Lavalle 2554 midis rrugëve “27 de Febrero dhe Ocampo”.
“Messi po të presim. Javkin është një narko gjithashtu. Ai nuk kujdeset për ju”, shkruhej në copën e letrës.
Pablo Javkin është kryebashkiaku i Rosarios, i cili ditët e fundit fajësoi forcat e sigurisë për mos luftimin efektiv të krimit të organizuar, i cili vitet e fundit është rritur në qytetin port.
🚨 ATAQUE AL SUPERMERCADO DE LA FAMILIA MESSI
– Los que dispararon están prófugos
– El intendente de Rosario duda de la policía y del sistema penitenciario
– El ministro de seguridad de Rosario y el fiscal no tienen ninguna hipótesis de lo que pasó
📲 https://t.co/Y2lOx0mBVs pic.twitter.com/ddo7b0onyX— Vía Szeta (@mauroszeta) March 2, 2023
