Franca ka vendosur të shtojë sigurinë në kufijtë e saj pas sulmeve terroriste në Paris dhe Vjenë .
Presidenti Macron përmes një deklarate për mediat njoftoi dyfishim të personelit ushtarak, të cilët do të mobilizohen për të siguruar kontrollin e kufijve.
“Për shkak të rritjes së kërcënimeve kemi vendosur të dyfishojmë personelin e sigurisë në kufij.
4800 policë, xhandarë dhe ushtarakë do të mobilizohen për këtë mision kundër emigracionit të paligjshëm”, shpjegoi Macron.
Brenda pak ditësh Franca u trondit nga dy sulme terroriste. Tre persona u vranë dhe shtatë të tjerë u plagosën në Nicë teksa autori sërish ishte një ekstremist islam që thërriste ”Allahu Ekber”.
Ndërsa një 18-vjeçar me origjinë nga Çeçenia vrau mësuesin e historisë, Samuel Paty, në rrethinat e Parisit pasi ai kishte treguar në klasë karikatura të Profetit Muhamet./ Opinion.al
