Nuk po gjen qetësi opozita parlamentare. Pas përpjekjes së dështuar për ta larguar nga drejtimi i grupit parlamentar nga një grup deputetësh të kryesuar nga Korab Lita, Rudina Hajdari deklaron se është kërcënuar me jetë nga një deputet, emrin e të cilit nuk e bën me dije.
Denoncimin e ka bërë përmes një letre drejtuar kreut të Kuvendit, por e ripërsëriti me zë dhe ne foltoren e parlamentit. Por si është e vërteta e këtij kërcënimi?
Zv/ministri i Brendshëm, Besfort Lamallari tha këtë të hënë në emisionin Opinion: “Ka nisur procedura për hetimin e rastit dhe shtimin e masave të sigurisë”.
Ndërsa gazetari Artan Hoxha: Më thanë që Garda e Republikës nuk ka konstatuar ndonjë gjë të dukshme, ka filluar një hetim të brendshëm. Në zyrat e Kryesisë së Kuvendit kamerat e sigurisë janë vetëm në korridor. Në pjesën e brendshme nuk ka kamera, sipas informacionit që unë kam pjesëtar të grupit të saj parlamentar është një konflikt i brendshëm për të marrë drejtimin e grupit parlamentar. Kërcënimi është bërë brenda kryesisë së Kuvendit. Aty duket që ka një konflikt për drejtimin e grupit parlamentar. Nuk ka patur rrezik aty, më tepër është një konflikt i brendshëm.
Një nga personat e dyshuar se mund të jetë kërcënuesi i znj. Hajdari, kjo dhe pas debateve publike të javës së shkuar, Korab Lita mohon te ketë bërë një akt të tillë./ Opinion.al
