Një zarf i cili kishte brenda një plumb i është adresuar ministrit të brendshëm italian Matteo Salvini. Ky zarf është zbuluar nga Qendra e Postare në Romë, në Piazzale Ostiense dhe u mor më pas nga forcat policisë.
Zarfi është dukur i dyshimtë pasi mungonte pulla postare dhe dërguesi. Ndërkohë përveç plumbit nuk ka patur asnjë mesazh apo kërcënim të shkruar.
“Nuk më trembin dhe nuk do të ndalojë. Më shumë se në një politikë që shpesh është hipokrite, besoj në solidaritetin e miliona italianëve të respektuar të cilët do të votojnë të dielën”,-është shprehur pas kësaj ministri Italian.
Kjo është hera e dytë që ministri Italian është kërcënuar./Opinion.al/
