Ekipi i Lazios ka reaguar zyrtarisht ndaj kërcënimeve dhe fyerjeve të ardhura ndaj futbollistit shqiptar Elseid Hysaj, pasi ky i fundit shfaqej në grumbullim tekda këndonte pak ditë më parë këngën “Bella Ciao”. Duke e konsideruar këngën partizane të paparanueshme për ta, ultrasit kanë reaguar me fyerje në rrjetet sociale, madje duke varur edhe një banderolë me fjalët: “Hysaj krimb, Lazio është fashist”. Një gjest i dënuar menjëherë nga klubi me një deklaratë.
“Shoqata Sportive Lazio dënon vendosmërisht banderolën e turpshme kundër lojtarit Elseid Hysaj – thuhet në reagim. Nuk është episodi i parë i këtij lloji. Ne kurrë nuk do të jemi në krah të atyre që mohojnë vlerat e sportit. Jemi në krah të sportistit tonë dhe të gjithë lojtarëve të tjerë të përfshirë në grumbullimin e para-sezonit në javët e fundit “.
Pastaj Lazio përfundon: “Ne qartë distancohemi nga ata që duan të shfrytëzojnë për qëllime politike këtë ngjarje që dëmton ekipin, të gjithë tifozët e Lazios dhe Klubin. Ne nuk do të frikësohemi nga ata që përdorin tone të dhunshme dhe agresive: për ta nuk ka asnjë hapësirë në botën tonë “./Opinion.al
E dopo il comandante Sarri, ecco #Hysaj che canta #BellaCiao nel nostro ritiro.
Che GODURIA indicibile ? pic.twitter.com/agPerpf7Y0
— Luca Nacchio #IoStoConHysaj (@LucaNacchio) July 17, 2021
