Kina thuhet se është zotuar të rrisë mbështetjen e saj për Rusinë, pasi Presidenti i SHBA-ve, Donald Trump kërcënoi të vendosë tarifa “të rënda” nëse Moska nuk i jep fund luftës në Ukrainë brenda 50 ditësh.
Sipas mediave të huaja, Presidenti Xi Jinping tha se Pekini dhe Moska duhet të “forcojnë mbështetjen e ndërsjellë në forumet shumëpalëshe”, pasi zhvilloi një takim me ministrin e Jashtëm rus Sergei Lavrov në kryeqytetin kinez, sipas agjencisë shtetërore të lajmeve të Kinës Xinhua.
Më herët, analisti i sigurisë dhe mbrojtjes, Michael Clarke, foli mbi mënyrën se si kërcënimi i Trump me tarifa mund të ndikojë në vendet që blejnë karburant rus, siç janë Kina dhe India.
Ai tha se kjo mund të shtojë një nivel tjetër presioni mbi Moskën që të bjerë dakord për paqe.
