Kryeministri Edi Rama u shpreh sot se Shqipëria ka bekimin të jetë mes kontinentit evropian për të mësuar nga unioni se si ndërtohet një shtet demokratik mbi ligje dhe rregulla.
Përgjatë takimit inagurues të Komitetit të Përbashkët Konsultativ me Komitetin Ekonomik dhe Social të BE, Rama ka shkëmbyer batuta me presidentin e Komitetit Ekonomik dhe Social Europian, Oliver Röpke.
Ai e falenderoi presidentin e EESC duke i thënë se “ka qenë një sindikalist i vërtetë duke thyer tavanet e xhamit në Bruksel për ne”.
“Megjithatë dua ta mbyll duke thënë se presidenti Ropke është një prej miqve më të dashur të Shqipërisë, e kolegëve, E po kështu është, jam i sigurt, fati më i mirë që na ka rënë, sepse ai shpejt do të zëvendësohet, por ajo çfarë ka ndërtuar shpresoj që nuk do të shkatërrohet, por do të shërbejë si një themel për të ndërtuar më tej. Dhe rrugëtimi ynë është një rrugëtim të cilin e konsiderojmë si një bekim unik, e që vjen me faktin që jemi në zemër të Europës, e që mund të shfrytëzojmë të gjitha njohuritë e instrumentet e Bashkimit Europian për të punuar dhe për t’u siguruar që të jetojmë një transformim të thellë”, tha Rama.
Më tej, Rama tha se mund t’i ofronte një punë nëse Brukseli do e lërë pas dore, duke thënë se “mund t’i ofroj çdo punë përveç times‘.
“Faleminderit zoti president që keni qenë një sindikalist i vërtetë duke thyer tavanet e xhamit në Bruksel për ne dhe natyrisht duke përdorur teknikat tuaja të sindikalistit që ne i vlerësojmë shumë në këtë raste.
Kështu që, nuk e di se cila do të jetë puna juaj e ardhshme por të jesh i sigurte që Shqipëria do t’ju ofrojë gjithmonë një punë nëqoftëse Brukseli do të hakmerret dhe do të përpiqet që t’ju lërë pas dore. Sa herë të keni nevojë për një punë, ejani në Shqipëri. Mund t’ju ofroj çdo punë, përveç times“, u shpreh Rama.
