Ndonjëherë të shkuarit me pushime nuk varet tërësisht nga dëshira. Shpesh pengesë është koha, një shqetësim që mund të keni dhe padyshim gjendja financiare. Nëse nuk jeni në gjendje të përballoni pushimet, nuk mund të shkoni. Por një gjë është e sigurtë, të gjithë keni nevojë për pushime. Dhe pavarësisht pengesave të mësipërme, nëse vini re shenjat e mposhte duhet bërë patjetër një përpjekje për t’u shkëputur disa ditë nga rutina e për t’u çlodhur.
- Po filloni të dukeni si fotoja juaj e pasaportës
Është një shaka e vjetër por me shumë të vërtetë brenda. Nuk duhen anashkaluar shenjat e stresit kronik që paralajmërojnë rraskapitje nga rutina: irritim me kolegët, vështirësi për t’u përqendruar në punë, dhimbje koke kronike, dhimbje shpine, probleme me stomakun apo shqetësime shëndetësore më serioze.
- Keni probleme pagjumësie
Qofshin këto vështirësi për të rënë në gjumë apo zgjihem herët, problemet e gjumit mund të jenë simptomë e ngarkesës me punë dhe stresit, ose mund të jenë shenjë se po i kushtoni shumë vëmendje punës duke sakrifikuar gjërat e tjera.
- Jeta juaj personale po vuan
Nëse shihni se po mungoni në shumë darka familjare, koncerte shkollash apo dalje me familjen, kjo mund të jetë shenjë se keni nevojë të forconi sërish marrëdhëniet familjare duke shkuar me pushime me të afërmit tuaj.
- Keni filluar të bëni më shumë gabime në punë
Qofshin gabime në raporte financiare apo transaksionet e klientëve, nëse shihni se po bëni më shumë gabime se zakonisht, kjo mund të jetë shenjë se keni nevojë të ripërtërini energjinë tuaj mendore.
- Puna juaj nuk ju entuziazmon më
Nëse nuk jeni të entuziazmuar si më parë për të shkuar në punë mëngjeseve të së hënës, apo nëse ju tensionon një veprimtari pune që një herë e një kohë ju pëlqente, ndoshta keni nevojë për një pushim.
- E keni humbur sensin e humorit
Një shenjë e dukshme është nëse nuk qeshni më si më parë, ose e keni të vështirë t’i merrni me qetësi situatat sfiduese të punës.
- Një pengesë e vogël ju duket sa një mal
Gjëra për të cilat në të kaluarën thjesht do t’i jepnit drejtim lehtësisht, tashmë ju duken si pengesa të pakalueshme. Mungesa e një perspektive të shëndetshme mund të jetë shenjë se duhet të çlodhni mendjen tuaj.
- Puna është epiqendra e jetës tuaj
Nëse i gjithë identiteti juaj është puna që bëni – aq sa keni harruar kush jeni në të vërtetë – atëherë është koha të merrni pushime.
- Mendoni vetëm për punën
Nëse shumicën e orëve të lira i kaloni duke menduar ose duke folur për punën, mund të jetë një shenjë se duhet ta shpërqendroni veten me pushime.
- Keni filluar të bëni zgjedhje të pashëndetshme për të përballuar stresin
Nëse sapo ktheheni në shtëpi nga puna, instinktivisht pini një gotë verë, hani me tepricë apo hiqni dorë nga ushtrimet e zakonshme fizike, këto mund të jenë shenja se duhet ta gjallëroni pak jetën tuaj me pushime.
