Një detaj shumë i rëndësishëm në astrologji për eksplorimin e personalitetit të njeriut është dhe ashendentja e tij. Ashendentja është shenja jote gjatë momentit që ti ke lindur dhe rezulton pas një sërë llogaritjesh që bazohen në orën lokale të lindjes dhe në koordinatat gjeografike. Kjo shpjegon edhe faktin pse dy persona që janë të të njëjtës shenjë të horoskopit, nuk kanë tipare te përbashkëta.
Gjatë 24 orëve ashendentja kalon përmes zodiakut duke diferencuar të gjitha shenjat e horoskopit. Çdo 4 minuta të një ore, ashendentja përshkon një gradë. Për këtë arsye, kur gjendet ashendentja , ora e lindjes ka shumë rëndësi.
Ashendentja siç mund të thoshim në mënyrë metaforike, është momenti kur fëmija shkëputet nga nëna dhe duhet të përshtatet vetë në atmosferën që e rrethon. Pra, ajo tregon karakterin dhe mënyrën që do të shprehet dhe si do të përballojë këtë situatë të re si një qënie tashmë e vetme.
Ashendentja dhe si na shohin të tjerët:
Ashendentja tregon gjithashtu dhe pamjen e jashtme të një personi si dhe përshtypjen e parë qe jep ai tek njerëzit. Për këtë arsye është edhe pika më e rëndësishme pas pozicionit të diellit, atë që ne e quajmë shenjë horoskopi.
Kur shenja nuk përputhet me elementët e tjerë të ashendentes, përshtypja e parë që të jep një person është zakonisht e gabuar.
Energjia e ashendentes i ndihmon njerëzit që të përmbushin qëllimet, pikësynimet, dëshirat dhe nevojat e tyre. Tregon talentet dhe potencialet e tyre.
Por nga çfarë moshe fillon dhe funksionon ashendentja?
Shumë besojnë se ashendentja fillon nga mosha 30. Kjo gjë ama është gabim. Në të vërtetë, ashendente fillon nga momenti që ti lind. Megjithatë nevojitet një periudhë për t’u pjekur në mënyrë që të zhvillohet personaliteti dhe të kuptohen tamam nevojat dhe dëshirat e vërteta.
Kjo mund të ndodhë në moshën 30 vjecare sepse atëherë kemi të bëjmë me një tjetër ngjarje të rëndësishme astrologjike, kthimi i Saturnit- i cili i ndihmon njerëzit të piqen dhe të kuptojnë në të vërtetë cilat janë dëshirat dhe nevojat e tyre. Por kjo gjë mund të ndodhë në çdo lloj moshe.
