Kryeministri Edi Rama ka folur lidhur me përdorimin e patronazhistëve në zgjedhjet e 25 prillit.
Në e misionin “Të Paekspozuarit”, Rama tha se databasa e bërë publike nuk është e PS, është e manipuluar për të krijuar paqartësi dhe se PS ka databasën e vet pa numrin e kartave të ID por vetëm me numrin e celularit.
Pjesë nga biseda në studio:
Rama: Çdo betejë është betejë deri kur mbaron por sigurist të gjitha skuadrat futen për të fituar dhe bëjnë disa llogari forcash. Unë besoj se fituam se bëmë një sërë gjërash që na dhanë mundësinë të ripërtërim mandatin. Në fund të ditës shqiptarët votuan zgjedhjen më të mirë
Rakipi: Thuhet se është përdorur aparati i shtetit, në raportin e OSBE identifikohet edhe roli i patronazhistëve.
Rama: Patronazhistët janë praktikë e të gjitha partive të organizuara në Europë apo Amerikë. Ajo që ne bëjmë është që përpiqemi që prej kohësh të kemi një prekje nga afër të zgjedhësve dhe patronazhistët bëjnë një radiografi të elektoratit duke prekur çdo qelizë duke nxjerrë përshtypje në pazë të të cilave krijohet një përshtypje dhe bëhet një punë e padukshme që nuk është në media.
Rakipi: Keni përdorur një database shumë sensitive dhe nuk e lejon ligji?
Rama: Ne kemi përdorur një database të partisë, ska lidhje e-Albania. Është database e krijuar prej shumë vitesh. Ajo që ka ndodhur është se në media është folur për një database për të cilën ne nuk kemi nevoj. Regjistri I gjendjes civile ka qenë I aksesueshëm deri në momentin që u hap ky muhat dhe Carlo Bolino e bleu. Karta jonë e identitetit nuk është sensitive sepse ka një numër që nuk ka brenda asgjë, është bosh karta.
Shkullaku: Për pjesën e parë jam dakord, çdo parti ka patronazhistët e vet që kontaktojnë njerëz që shohin prirjet politike pavarsisht se mund ti intimidosh ata. Ajo që nuk bie dakort është se të dhënat nuk janë siguruar nga PS. Që nuk është sensitive jam dakort por kjo ka qenë database e AKSH-it. Në të nuk ka qenë vetëm karata ID, por kishte dhe të dhëna ku punojnë, a janë në kemp, a kanë pension. Ajo që ma shton më shumë dyshimin është se asnjë nga sistemet e drejtësisë nuk bëri asgjë. Mendoj se shkelja është bërë në marrjen e të dhënave nga një institucion shtetëror.
Rama: Kjo është hipotezë e pabazuar në fakt. Ato që kanë dalë nuk janë database të PS. PS ka një database dhe është kombëtare e PS dhe e ka të ndarë sipas qarqeve. E dyta është bërë një hetim I thelluar dhe është bërë puna dhe nga dokumenti del që nuk kemi të bëjmë me asnjë cënim I të dhënave personale. Nuk janë marrë nga e Albania. Databasa që ka dalë është me qëllim e manipuluar. PS nuk ka në databasën e vet karta ID.
Shkullaku: Nuk ka dilema që është marrë nga AKSH-i.
Rama: Nuk ka dilemma por nuk ka fakte.
