Sigurisht që kur vjen puna te fëmijët, prindërit nuk kursejnë asgjë. Këngëtarja Adelina Tahiri prej disa kohësh ka dhënë lajmin e bukur se është në pritje të një djali. Edhe pse është ende herët këngëtarja ka filluar të bëjë pazaret e para për bebin që pritet të vijë.
Gjëja e parë që ka blerë është karroca. Por ajo çfarë të bën përshtypje është shuma marramendëse që ajo ka shpenzuar për karrocën e fëmijës së saj.
Këngëtarja ka postuar një foto e veshur komplet me të zeza dhe një peliçe teksa shihet me një karrocë të zezë me detaje ngjyrë floriri, çmimi i të cilës shkon në 1.799,95 €. Kujtojmë që Adelina është në muajt e parë të shtatzënisë dhe do të sjellë në jetë një djalë nga martesa e saj me milionerin maqedonas Serjoza Markov.
