Këngëtarja dhe aktorja Marie Osmond, nuk do t’ua trashëgojë fëmijëve pasurinë e grumbulluar gjatë karrierës së saj. 60-vjeçarja e arsyetoi vendimin duke shpjeguar se nëse do ta bëntë këtë do u bënte atyre një dëm të madh.
“Nuk do t’u lë asgjë fëmjëve. Urime kalamaja. Unë dhe bashkëshorti im mendojmë se u bën një dëm të madh fëmijëve kur u fal një pasuri sepse u merr nga duart dhuratën më të madhe që mund t’u japësh: aftësinë për të punuar. Ndodh shpesh në familje të pasura. Fëmijët nuk dinë çfarë të bëjnë me jetët e tyre dhe thjesht futen në telashe. Do t’i lë fëmijët e mi të krenohen me çfarë arrijnë vetë në jetë dhe pasurinë do e jap për bamirësi.”, sqaroi artistja në “The Talk”.
Kur hasi në kundërshtinë e moderatores Osvald shtoi se vendimi i saj u frymëzua nga një histori personale.
“Xhaxhai dhe halla ime u zunë për një pasqyrë dhe një tavolinë. Mami më këshilloi të mos e lejoja të ndodhte kështu me mua.”
Një vendim i ngjashëm është marrë dhe nga aktorët Ashton Kutcher dhe Mila Kunis. Çifti deklaroi se do t’ i lënë fëmijët e tyre pa pasuri, pasi kanë vendosur ta çojnë atë për bamirësi. Sapo vendimi u bë mediatik çifti u ndesh me shumë kritika, por Ashton e justifikoi kështu:
“Fëmijët e mi po jetojnë një jetë vërtet të privilegjuar dhe as nuk e dinë këtë. Ne do të përfundojmë duke i dhënë paratë tona për bamirësi. Unë dua që ata të jenë vërtet të shkathët. Shpresojmë që të jenë të motivuar për të patur atë që kishin, ose ndonjë version të asaj që kishin. Deri më tani, tradita jonë është të mos ju dhurojmë asgjë. Vitin e kaluar kur festuam Krishtlindjen, Wyatt ishte 2 vjeç dhe ne nuk i dhamë asgjë, ishin gjyshërit që i bënë dhuratë. Ju përgjëruam prindërve që t’u bënin vetëm një dhuratë secilit, pasi në të kundërt ato do të faleshin. Kjo është tradita jonë e re!”/Opinion.al
