Siç dihet këngëtarja e njohur Mariah Carey i ka dhënë fund lidhjes me të fejuarin e saj që në vitin 2016. Pas ndarjes ajo nisi gjyqin dhe kërkoi një shumë marramendëse ndaj tij sipas asaj që shkruhej në media.
Së fundmi mediat ndërkombëtare thonë se këngëtarja e njohur nga kjo ndarje ka përfituar disa miliona dollarë, por që kjo shumë është akoma larg asaj që ajo ka kërkuar.
Mariah Carey dhe James Packer kanë arritur muaj më parë një marrëveshje ku u dakortësuan që këngëtarja ta mbajë unazën e saj të fejesës 35 karatëshe.
Dhe mes unazës e parave kesh duket se këngëtarja do të ketë në duar një shumë prej 5 deri 10 milionë dollarë.
Kur çifti u nda në muajin tetor të vitit 2016, diva kërkoi që Packer t’i paguante 50 milionë dollarë.
Në atë kohë, ajo pretendonte se ishte Packer ai që e bëri që ajo të transferohej nga New Yorku në Los Anxhelos duke ndryshuar kështu rrënjësisht gjithë jetën e saj, që ai mund të ishte pranë fëmijëve të tij.
Ajo ka thënë gjithashtu se ai ka bërë “premtime financiare” për të.
Më 27 tetor, TMZ duke cituar një burim të afërt me këngëtaren raportoi se i fejuari i saj i ka bërë “diçka të tmerrshme” asistentes së këngëtares kur çifti ndodhej në Greqi.
Sipas të njëjtit burim, këngëtarja ishte shumë e traumatizuar sa u detyrua të anulojë turneun e saj në Amerikën Jugore, gjë që ajo e ka përfshirë në kërkesën e saj për 50 milionë dollarët si dëmshpërblim për gjithë situatën e krijuar.
