Këngëtari shqiptar Albatrit Muqiqi dhe bashkëshortja e tij Egzona, janë bërë prindër për herë të dytë. Ata janë prindër të një vajze, të cilën e kanë pagëzuar me emrin Amelia. Ndërsa sot janë gëzuar jo me një por me dy bebushë.
Egzona ka qenë në pritje të binjakëve dhe lajmin e bukur e ka dhënë prej tetorit të vitit të kaluar.
Sot, këngëtari ka publikuar një foto të adhurueshme nga spitali, bashkë me dy binjakët, një vajzë e cila është pagëzuar me emrin Elia dhe një djalë me emrin Erald.
Në foton e publikuar në Instagram, Albatriti shihet shumë i lumtur për ardhjen në jetë të dy bebushave. Ata i mban pranë mami Egzona, ndërkohë që babi shkrep një selfie.
“Sot është dita më e lumtur në botë për mua. Na gëzoi Zoti me një djalë dhe vajzë , falenderimi i takon vetem Allahut☝? , paçi shëndetin e gjithë botës zemrat e mija #Elia&Erald ❤️ #twins”, shkruan këngëtari.
