Mbrëmjen e djeshme i ftuar në studion e emisionit BOOM ka qenë kantautori i njohur i hitit “Më lër të fle”, i cili ka rrëfyer një episod jo fort të këndshëm që i ka ndodhur në vitin 1997, gjatë koncerteve me Aleksandër Gjokën. Redon Makashi ka treguar se atë kohë dy këngëtarët zhvillonin koncerte rreth vendit dhe një mbrëmje autobusi i tyre po kalonte në Krrabë. Papritur, disa persona me maska dhe me automatikë i kishin ndaluar dhe ishin futur në automjet që t’i kontrollonin. Kjo skenë i kishte frikësuar mjaft ata të dy.
“Si kemi shpëtuar! U futën brenda dhe filluan kontroll. Ne ishim të ulur. U afrua njëri nga ata dhe tha: ‘Uuu Sandër Gjoka. O Sandro nuk me njef ti mua? Sandri kështu: ‘Po ku të njof ty o vëlla ti je me maskë.’” – tha Redoni duke qeshur e duke e kaluar kështu me humor përjetimin e frikshëm që u ishte dashur të kalonin në vitin 1997.
