Këngëtari i “Threedots”, Bruno ka konfirmuar ndarjen nga aktorja seksi nga Kosova, Arta Nitaj, me deklaratën: “Ishte bukur aq sa zgjati”.
Në një intervistë për emisionin “Prive” konfirmoi fundin e romancës me aktoren e njohur. “Është e kaluar. Le të mbetet e kaluar, për aq kohë sa zgjati ishte shumë mirë”, u shpreh këngëtari.
Kujtojmë se pak kohë më parë Bruno lançoi këngën “A më do”, ku me Artën e kishte pjesë të skenave provokuese të videoklipit.
Por, kjo nuk është e vetmja histori që Bruno krijon me aktoret e klipeve të tij. Vitin e kaluar ai krijoi një tjetër lidhje dashurie me modelen Alesia Noka, histori që nuk zgjati shumë. Këngëtari e njohu Alessian gjatë xhirimeve të klipit “Ajo”.
Direkt pas publikimit të këngës nisën të qarkullonin zëra se bëhej fjalë për një lidhje mes tyre, fjalë që u vërtetuan nga çifti në festën e nominimeve të “Top Music Awards”. Por edhe kjo lidhje do perfundonte shpejt per kengetarin e njohur.
