Këngëtari italian, Tommaso Paradiso ka sulmuar më anë të një statusi në Instagram portierin e Lazios, Thomas Strakoshën.
Nëpërmjet një postimi në rrjetin social Instagrasm, këngëtari Italian ka fajësuar portierin shqiptar për humbjen që skuadra e Lazios pësoi ndaj Interit, ditën e diel me rezultatin 2-3.
“Futbolli është i çuditshëm? Jo, nuk është i çuditshëm, çdo gjë që ka ndodhur, ka ndodhur. Ne luajmë me portierin më skarco në Seria A (Strakosha). Dhe pastaj faulli në fund i De Vrij! Një ndërhyrje kositëse, e çuditshme. Shumë e çuditshme.
Unë jam personi më kundërthënës ndaj mentalitetit të komplotit. Më bën të sëmurë. Unë thjesht thashë atë që u parafol rreth De Vrij në lidhje me këtë ndeshje, me siguri do të ndodhte diçka. Pra, nuk është e çuditshme që shkoi kështu dhe se De Vrij kishte fatkeqësinë për të kositur Icardin në zonën e penalltisë, 10 minuta nga fundi. Asnjë komplot, histori.” ka shkruajtur Paradiso në Instagram.
Humbja e Lazios ndaj Interit bëri që skuadra të ngelej jashtë zonës Champions League, për shkak se ‘të kaltrit’ u renditën vetëm në vendin e pestë në Serie A duke siguruar kështu vetëm Europa League.
