Ylli i popit, Justin Timberlake, është arrestuar të martën pasi u kap nga policia duke drejtuar makinën në gjendje të dehur, në një fshat në Hamptons të Nju Jorkut.
Këngëtari po ngiste një BMW 2025 në Sag Harbor rreth orës 12:30 të mëngjesit kur një oficer e ndaloi dhe përcaktoi se ishte i dehur, sipas një dokumenti gjyqësor.
Në dokumente thuhet se kur oficerët e ndaluan atë, sytë e Timberlake ishin “të kuq flakë” dhe i ndjehej nga larg era e alkoolit.
Zyra e Prokurorit të Qarkut tha se këngëtari u lirua pa kusht pasi u akuzua zyrtarisht. Ai do të paraqitet në gjykatën e Sag Harbor më 26 Korrik.
Në New York, dënimet për akuzat që lidhen me drejtimin e mjetit në gjendje të dehur përfshijnë deri në një vit burg, një gjobë prej 1000 Dollarësh dhe pezullimin e patentës së shoferit për të paktën gjashtë muaj./Opinion.al
