Nuk mirëpritet, por kritikohet ashpër për zgjedhjen e reklamimit të koleksionit të fundit “African Tribal Spirit” firma e njohur spanjolle “Mango”. Bëhet fjalë për motrën e vogël të Kim Kardashian, Kendall Jenner.
Zgjedhja e një modeleje të bardhë ka qenë zëri i kundërshtimit, pasi një koleksion afrikan duhet të përfaqësohej nga një figurë frymëzuar nga Afrika.
Ksavier Tio, drejtuesi i një organizate që mbështet minoritet në Spanjë, ka shprehur pakënaqësinë duke thënë: “Mango duhet të mbështesë njerëzit, kultura e të cilëve ka frymëzuar koleksionin e saj.
Do të ishte një mënyrë e mirë për t’ju kthyer nderin. Do të kishte qenë një vendim i zgjuar nëse do të kishin zgjedhur një modele afrikane ku si pasojë do të kishte shumë sukses në media”.
