Ministrja e Shëndetësisë, Ogerta Manastirliu ditën e sotme në një konferencë të jashtëzakonshme me kryeministrin Rama, ka bërë një pasqyrim të situatës aktuale të pandemisë së koronavirusit në vend.
Manastirliu është shprehur se rastet e shtuara, sidomos ditën e djeshme ku u raportuan mbi 1100 raste të reja, janë për shkaqe të ndryshme që lidhen me grumbullimet dhe dyshimet për përhapjen e mutacioneve të Covid-19.
“Javët e fundit kemi pasur një rritje të rasteve të konfirmuara. Një trend që ekspertët thonë se është i pritshëm, nga dimri.
Nga tendenca e grumbullimeve, por edhe dyshimet e qarkullimit të mutacioneve.
Kemi raste të riinfektimeve, që i çon ekspertët në dyshime të qarkullimit të varianteve të rinj të Covid. Jemi në pritje dhe po çojmë mostrat në laboratorin e Berlinit për të vërtetuar se dyshimet tona do të rezultojnë të vërteta.
Kemi 78% të shtretërve të zënë në spitalet Covid. Kjo nuk do të thotë se kemi vështirësi në ofrimin e shërbimeve. Kapacitetet nuk janë të mbingarkuara
Rritja e rasteve të reja ka edhe shkaqe të tjera. Me mosrespektimin e rregullave, grumbullimet në festa dhe pas festave.
Mbështetur në analizën epidemiologjike nga Komiteti Teknik i ekspertëve, niveli më i lartë i infektimit është shënuar dje me mbi 1100 rasteve të reja”,– tha Manastirliu./Opinion.al
