Kryeministri Edi Rama u përpoq të qetësonte naftëtarët e Ballshit sot duke iu mundësuar një takim virtual ku nuk i mungoi as batuta, sa do naftëtarët ia dhanë në sy se “jemi pa bukë!”
Në zyrën e kryeministrisë qendronte Rama në mes dy ministrave Ahmetaj dhe Gjiknuri, ndërsa në anën tjetër të ekranit naftëtarët. Komunikimi u realizur përmes një video-konference.
“Jam shumë shpresëplotë, që shumë shpejt unë do të vij atje në Ballsh për ta rivënë në punë rafinerinë, për këtë po punojmë. Ju jeni në të drejtën tuaj të mos më besoni, jua thashë… kjo nuk është një bisedë që po e bëjmë në kushtet kur ju jeni në një gjendje dëshpërimi dhe ju merrni edhe rrugën në këmbë nga Fieri, se për ça e merrni rrugën në këmbë kur ne na keni në dispozicion…”, tha Rama.
Por një nga naftëtarët u përgjigj duke thënë se kishin disa muaj pa bukë. “Kemi sa muaj pa bukë ore. Jemi pa punë dhe pa bukë, prandaj e marrim rrugën në këmbë.”
Rama reagoi duke thënë: “ Të lutem, ka rregulla, mos më bëj Flamur Nokën këtu tani, se krijohet problem pastaj…shaka, shaka… ju falënderoj, shumë shpejt do të kontaktojmë prapë, ndërkohë që keni kontakt të vazhdueshëm me ministrin e Energjetikës.”
Kryeministri edhe pse është në mandatin e dytë u përpoq ta çonte problemin tek qeveria e Berishës duke thënë se privatizimi i ARMO-s ishte një gabim i madh.
Për këtë reagoi n/kryetari i PD, Edi Paloka që e quajti “shoë dhe mashtrim live” interprelancën e kryeministrit me naftëtarët.
“Viktimat e radhës, naftëtarët e përballe tyre tre kryehajdutët dhe kryemashtruesit e qeverisë. Ata ju kërkojnë pune dhe paga, këta ju thonë të bëjnë dokumentet për të marrë statusin dhe ju ofrojnë spital për sëmundjet profesionale. Pas 5 vitesh në pushtet prapë “Fajin e ka Berisha” e ku nuk është faji i Berishës “Fajin e ka Vettingu” që kishim ca kohë që nuk e dëgjonim si shkak për gjithë të zezat që kjo qeveri dhe kryeministri i saj, ju shkaktojnë shqiptarëve”, tha Paloka duke u bërë thirrje qytetarëve për protestë me 27 Janar”, shkruan Paloka.
