“Kemi lekë në shtëpi për të dalë nga burgu”,përgjimi që fundosi nënë e bir në Tiranë

Të tjera detaje vijojnë të dalin në dritë në lidhje me grabitjen e nënë e bir në banesën e ish-zyrtares Alda Klosi në Tiranë.

Sipas raportimeve kanë qenë përgjimet në ambientet e komisariatit ato që kanë çuar në gjetjen e mbi 400 mijë eurove, që ishin fshehur në tubin e aspirimit.

Rozeta dhe Havier Dobi, kanë pohuar gjatë kohës që ishin në paraburgim se kishin lekë të tjera në banesë, në mënyrë të tillë që të dilnin nga burgu. Pas deklaratave policia ka zbarkuar në shtëpinë e Dobit, ku dhe ka gjetur paratë e fshehura në aspirator.

Fillimisht policia zbuloi se 120 mijë euro dhe bizhuteri me vlerë, ishin grabitur nga Rozeta dhe Havier Dobi po në banesën e Alda Klosit, ku gruaja punonte si sanitare.