Kandidati i koalicionit “Bashkë Fitojmë”, Belind Këlliçi, iu ka bërë thirrje qytetarëve që të dalin masivisht në votime.
Në një deklaratë për mediat nga selia blu, ai tha se qytetarët e Tiranës duhet të shkojnë në qendrat e votimit për të bërë ndryshimin.
“E ardhmja që ju doni është shumë pranë. Të rinj të reja burra e gra, të moshuar. Ushtroni detyrën tuaj si qytetarë. Dilni të votoni nëse do i që pas 14 majit autobusin ta keni pa pagesë, nëse doni taksa më të ulëta dhe një Tiranë ndryshe. Dilni masivisht në votim. Dita kur kurorëzohet mundi ynë. Pjesëmarrja juaj ka një rëndësi të veçantë. Kushtet atmosferike mbase nuk janë më të mira, por qytetarët e Tiranës duhet të shkojnë në qendrat e votimit për të bërë ndryshimin”, tha Këlliçi.
