Deputeti i PD-së Belind Këlliçi ka deklaruar këtë të mërkurë se nuk ka pasur atentat të planifikuar ndaj Lulzim Bashës, në vitin 2017 dhe se sipas tij, kjo është një çështje e inskenuar.
Në një intervistë për Euronews Albania, deputeti u shpreh se lajmi për atentat ndaj Bashës i duket si një fabulë për të mbushur portalet.
“Lajmi për atentatin ndaj Bashës ka qarkulluar njëherë në vitin 2017, ka qarkulluar vetëm një ditë nëpër portale. Do doja që mes mijëra email-ve, të paktën të fokusoheshim te çështje serioze dhe te gjërat që kanë thelb. Nuk besoj se ka pasur një atentat, kam përshtypjen se është i inskenuar. Më duket si një fabulë për të mbushur portalet”- theksoi Këlliçi.
Hakerat sulmuan kibernetikisht sistemet digjitale dhe ato qeveritare në vendin tonë. Disa ditë më pas ato publikuan disa të dhëna të cilat u vlerësuan nga Prokuroria si sekret dhe që kërcënonin sigurinë kombëtare.
