Kandidati i koaliconit “Bashkë Fitojmë” për Tiranën, Belind Këlliçi, përtej fushatës së zhvilluar deri më tani, ka dashur të përcjellë tek qytetarët mesazhe nëpërmjet posterave të vendosura nëpër qytet.
Kështu, 11 ditë pas fillimit të fushatës elektorale, një nga banerat e parë e vendosura në rrugët e Tiranës për marketingun e Këlliçit ka sjellë shumë komente në rrjete sociale.
Siç duket edhe nga fotoja, përgjigja e tij ndaj korrupsionit do të ishin “gishtat e mesit të ngritura lart”.
Përveç marketingut të bërë në qytet, Këlliçi ka zgjedhur ta promovojë edhe vetë posterin në rrjetet e tij sociale.
Në një postim të bërë, Këlliçi ka shkruar:
“Kam një mesazh për këdo që abuzon me taksat e qytetarëve të Tiranës!”
E ndërsa brenda në poster, shkruhet: “S’të duhet fytyra e tij, por guximi që ka ta ndalojë!”
Ndërkohë siç shihet edhe në postimin e bërë kanë vërshuar komentet nga më të ndryshmet, ku disa prej tyre japin aprovimin e posterit e të tjerë kritikojnë për një fushatë të zhvilluar të kësaj forme./Opinion.al
View this post on Instagram
