Life Style

Këlliçi flet për Annën, nuk e fsheh më lidhjen me vajzën e gjuhëtares dhe arkitektit



Bëhu pjesë e Grupit Zyrtar të Opinion.al
>> KËTU <<
               Publikuar në : 18:41 - 23/11/22 |
Opi Nion

Shumëkush e di dhe ai vetë ndihet krenar që ka zgjedhur për bashkudhëtare jete Annën, vajzën që dashuron librat. Për marrëdhënien me të flet për herë të parë, edhe pse, jeta e tij tani që kërkon të sfidojë Erion Veliajn për Bashkinë e Tiranës do të kalojë në një “skaner” publik të paimagjinuar më parë. Anna, vajza e Ledi Shamkut dhe Artan Shkrelit, nuk mbetet më një “histori e mbyllur”.

Në një intervistë për Revistën Newsbomb.al, Belind Këlliçi ka treguar shumë për jetën e tij, përfshirjen në politikë, garën në primaret e PD për Tiranën, ku ai shihet si kandidati më i mundshëm përballë Erion Veliajt, dhe padyshim për jetën e tij private, lidhjen me Anna Shkrelin.

Atë e ka shoqëruar shpesh pyetja: Ç’bën një demokrat tipik si ai me një vajzë që njërin prej prindërve e ka pasur deputete të PS-së e gjuhëtare dhe tjetrin, një ndër arkitektët më kontemporanë në vend, angazhuar po ashtu në qeverisjen e majtë?! Në fakt, kjo është një pyetje që i përket një mentaliteti komunist, që nuk e njeh as ndjenjën e as njeriun e lirë që dashuron atë kë i do zemra.

“Në një marrëdhënie personale, çdo i ri gjykon me ndjenjë me zemër. Anna, është një nga krenaritë e mia më të mëdha, të cilën unë nuk e kam fshehur kurrë. Anna është etiketuar dhe i është rënë në qafë pa të drejtë për shkak të angazhimit të prindërve të saj, por ajo vetë është shumë e distancuar nga jeta politike, është në botën e publikimeve, librave. Ka një shtëpi publikimesh që e ka themeluar vetë. Shtëpinë ku ka lindur gjyshja e saj, një shtëpi tradicionale tiranase, ka refuzuar ta japë për një pallat shumëkatësh në zemër të Tiranës, në njësinë 10, aty ku dhe unë jam lindur e jam rritur dhe ka vendosur ta kthejë në një hapësirë novacioni, dhe ku promovohen shumë edhe vlerat feministe, sepse është shumë femiste, dhe ku bëhet kulturë!”

Ata nuk flasin kurrë për politikë e megjithatë, Anna është mbështetja e tij më e madhe në këtë rrugëtim të ri. Provën e parë ia dha kur doli hapur kundër shembjes së Teatrit Kombëtar. Sepse Anna, thotë Belindi, është një vajzë që i beson vlerave dhe kauzave të drejta.

“Jo pak më ka shoqëruar ideja që jam lidhur me një vajzë prindërit e së cilës kanë patur angazhim pranë të majtës, por për mua pak rëndësi ka. Për mua rëndësi ka kush është Anna, çfarë përfaqëson Anna si individ. Unë i dal për zot çdo vendimmarrjeje personale dhe publike”.

Në këtë betejë për Tiranën, Belindi ka marrë edhe urimet e prindërve të Annës, Artan Shkrelit dhe Ledi Shamkut me të cilët ka një raport shumë të ndjerë njerëzor e familjar. Po kur do martohet? Te kjo pyetje, ai e ka të pamundur të shmangë kundërshtarin e tij politik.

“Kurdo që të vendosim, e sigurt është që dasmë në kala nuk do bëj dhe dasmë 500 milionë lekë me kursimet e pensionit të mamit nuk do bëj. Këto broçkulla shqiptarëve nuk do ia them. Kam vendosur të futem i vërtetë në politikë dhe do mbetem i tillë deri në ditën e fundit të angazhimit tim”.

Më tej rrëfen se ai dhe Anna nuk janë shumë të dhënë pas organizimit të dasmës. Më shumë do kishin preferuar një ceremoni private me familjen dhe një udhëtim të bukur me njëri-tjetrin.

Pas