Aktualitet

Këlliçi akuza qeverisë: Në lëvizje për të penguar valën që do jetë në shesh



Bëhu pjesë e Grupit Zyrtar të Opinion.al
>> KËTU <<
               Publikuar në : 15:35 - 07/07/22 |
el ida

Deputeti demokrat Belind Këlliçi në një dalje për mediat ka akuzuar kryeministrin Rama dhe qeverinë se po përpiqen të pengojnë pjesëmarrjen e qytetarëve në protestën e sotme të orës 19:00.

“Administrata e Ramës është vënë në lëvizje për të penguar valën e madhe që do të jetë në shesh. Mësuesit duhet të jenë në punë, aktorëve u janë shpikur prova në teatër. Siç e keni parë dyert e kryeministrisë janë të blinduara”, tha Këlliçi duke ftuar qyetarët të mos tremben, por t‘i bashkohen protestës.

Fjala e plote 

Qytetarë nga e gjithë Shqipëria, nga veriu në jug, na kanë dërguar sot mesazhe, duke na siguruar për masivitetin e protestës.

Informacionet tona në rrugë partiake dhe jopartiake, na bëjnë me dije se administrata e Edi Ramës është vënë në lëvizje për të penguar valën e madhe shoqërore që do të zbresë sot në Tiranë.

Mësuesit janë urdhëruar të jenë në punë, edhe pse sezoni shkollor ka mbaruar.

Aktorëve u janë shpikur prova në Teatër, në mënyrë që zëri i tyre të mos gjëmojë në protestën e Frontit për Shpëtimin Kombëtar; dyert e kryeministrisë janë blinduar.
As demokratët dhe as shoqërinë, nuk i ndal asnjë blindë, siç është provuar nga vitet ‘90 e këtej.

Partia Demokratike u bën thirrje qytetarëve të mos tremben nga skenarët faake të qeverisë dhe as nga blindatat.

Ne dalim sot për të dëshmuar se opozita e këtij vendi ekziston, se ajo është e bashkuar me shoqërinë, se ajo është gati për të mbrojtur interesat e qytetarit.

Opozitës së kapur nga pushtei i ka ardhur fundi.

I bëjmë thirrje shqiptarëve, fermerëve, mësuesve, profesionistëve, të rinjve, të papunëve, të na bashkohen sot para Kryeministrisë.

Nëse nuk pastroni para, por mezi u dalin paratë për fundin e muajit, është koha të ngrihemi.

Nëse nafta, ushqimet e shportës, taksat, janë bërë të papërballueshme është koha të ngrihemi.

Nëse kthen kokën dhe sheh se një familjar apo mik të mungon, se ta ka marrë emigrimi, është koha të ngrihemi.

Le t’ia themi dy fjalë sonte njeriut që ka nëntë vite që nuk na dëgjon.

Të bashkuar, për Shqipërinë në rrezik, sonte ora 19.00!

Pas