Prej ditësh qarkullojnë thashetheme se velina e emisionit “Xing me Ermalin”, Kejvina Kthella nuk do të ishte me pjesë e tij. Asnjëri prej të dyve Ermali apo Kejvina është shprehur rreth vërtetësisë së këtij lajmi, deri mbrëmjen e sotme, kur edhe është transmetuar episodi i radhës. Velina bukuroshe i ka konfirmuar zërat e largimit, duke thënë se kjo ishte puntata e saj e fundit në këtë emision pasi do të largohej në Itali.
Ermal Mamaqi: Sot ka diçka që më gërryen nga brenda dhe e ndjej si dhimbje shpirtërore edhe fizike. Është një dhimbje që mund të krahasohet me atë të lindjes së një fëmije. Tragjedia ka ndodhur dhe ka goditur rrënjët e emisionit tonë. Kejvina janë të vërteta ato që thuhen lart e poshtë, që ti do ikësh në Itali?
Kejvina Kthella: Po unë kam ikur gjithmonë në Itali…
Ermal Mamaqi: Po, por që nuk do të kthehesh më në “Xing”.
Kejvina Kthella: Po të iki një herë, pastaj shohim.
Ermal Mamaqi: Qenka e vërtetë…
Kejvina Kthella: Edhe unë duhet të ndjek ëndrrat e mia.
Ermal Mamaqi: Unë të kam rritur me këto duar, nuk më besohet që do ikësh dhe s’do jesh më mes nesh. Sot është hera e fundit që ne do ta kemi Kejvinën në emision si të punësuar sepse si e ftuar do jetë herë pas here. E sigurt që do ikësh?
Kejvina Kthella: Po e sigurt.
Ermal Mamaqi: A mund të na thuash se ku do të shkosh?
Kejvina Kthella: Do iki në Itali, në Milano. Diçka e bukur po më pret.
Ermal Mamaqi: Të gjithë ju që keni mundësi të shikoni kanalet italiane do t’iu them që do ta shikoni shumë shpejt Kejvinën në një kanal të fuqishëm. Ti po largohesh në mes të sezonit dhe unë duhej të të hidhja në gjyq, por nuk do ta bëj. Por dua të them se për këtë vajzë është e pamundur të kesh ndjenja negative. Ajo është shumë pozitive dhe unë dua ta falenderoj edhe në emër të stafit që e kishim kolege. Mund të them me bindje të plotë se kam fituar një mike të mirë tani dhe të falenderoj që ishe pjesë e jetës time.
